Metal atomu ilə əvəz oluna bilən Hidrogen atomlarından və turşu qalığından ibarət olan mürəkkəb maddələrə turşular deyilir.

    Elektrolitik dissosiasiya nəzəriyyəsinə əsasən dissosiasiya zamanı kation kimi yalnız hidrogen ionu əmələ gətirən elektrolitlərə turşu deyilir.

    Turşular tərkibinə, əsaslığına və qüvvətliliyinə görə təsnif edilir.

    Tərkibinə görə turşular iki qrupa bölünür: oksigensiz və oksigenli.

    Oksigensiz turşular: HF, HCl, HBr, H₂S, HCN və s.

    Dövri sistemin VI və VII qrup qeyri-metallarının hidrogenli birləşmələrinin suda məhlulları oksigensiz turşuların nümayəndələridir.

    Oksigenli turşular: HNO₃, H₂SO₄, H₃PO₄ və s

    Turşuların tərkibindəki metalla əvəz oluna bilən hidrogen atomlarının sayı turuların əsaslığını və turşu qalığının valentliyini göstərir.

    Əsaslığına görə turşular birəsaslı (HF, HCl, HNO₃, HCOOH və s.), ikiəsaslı (H₂SO₄, H₂S, H₂C₂O₄ və s.), üçəsaslı (H₃BO₂, H₃PO₄ və s.) və dördəsaslı (H₄P₂O₄ və s.) olur.

    Turşuların qüvvətliliyi onların su məhlullarında əmələ gələn hidrogen ionlarının qatılığı, yəni dissosiasiya dərəcəsi ilə müəyyən edilir. Qüvvətliliyinə görə turşular qüvvətli, orta qüvvətli və zəif turşulara bölünür.

    HClO₄, H₂SO₄, HJ, HBr, HCl, HNO₃ - qüvvətli

    HPO₃, H₃PO₄, H₂SO₃, HF - orta qüvvətli

    H₂CO₃, HClO, H₂S, H₂SiO₃ - zəif

    Turşuların adlandırılması

    Turşuların alınması

    Turşuların xassələri