Əsaslar aşağıdakı üsullarla alınır:

1. Aktiv metalların (Li, Na, K, Ca, Sr, Ba və s.) su ilə qarşılıqlı təsirindən.

    2Na + 2H₂O → 2NaOH + H₂;     Ca + 2H₂O → Ca(OH)₂ + H₂

2. Qələvi və qələvi torpaq metalların (aktiv metallar) oksidlərinin su ilə qarşılıqlı təsirindən. Bu reaksiyalarla oksidlərin kimyəvi xassələri bölməsində tanış olmaq olar.

3. Metalların hidridlərinin su ilə qarşılıqlı təsirindən.

    NaH + H₂O → NaOH + H₂;     BaH₂ + 2H₂O → Ba(OH)₂ + 2H₂

4. Sənayedə natrium-hidroksid, kalium hidroksid kimi qələvilər NaCl və KCl duzlarının suda məhlullarının elektrolizindən alınır.

    2NaCl + 2H₂O → 2NaOH + H₂ + Cl₂

5. Suda həll olmayan əsasları almaq üçün müvafiq metalın həll olan duzunun məhluluna qələvi əlavə edilir.

    CuCl₂ + 2NaOH → Cu(OH)₂ + NaCl

Bu üsulla həll olan əsaslar reaksiya nəticəsində həll olmayan duz əmələ gəldikdə alına bilər:

    Na₂CO₃ + Ca(OH)₂ → CaCO₃ + 2NaOH