Duzların məhluldan kristallaşması zamanı bir çox hallarda tərkibində müxtəlif sayda su molekulu olan kristallar çökür. Duzların belə kristallarında iştirak edən su - kristallaşma suyu, tərkibində kristallaşma suyu olan kristallar isə kristalhidratlar adlanır.

    Kristalhidratların formulları yazılarkən, onların bir molekulunun payına düşən su molekullarının sayı göstərilir. Məsələn, CuSO₄ 5H₂O.

    Kristalhidratların közərdilməsi zamanı kristallaşma suyu ayrılır və susuz duz qalır. Kristallaşma suyunun ayrılması suyun qaynama temperaturuna nisbətən daha yüksək temperaturda (əsasən, 150-250 ⁰C) baş verir. Bu, kristallaşma suyu ilə duz molekulu arasında müəyyən qarşılıqlı kimyəvi təsirin olması ilə əlaqədardır.

    Susuz duzdan kristalhidratın əmələ gəlməsi prosesi həmişə istilik ayrılması ilə gedir.