Metal oksidlərini adlandırarkən metalın adı, sonra isə mötərizədə rum rəqəmi ilə oksidləşmə dərəcəsi göstərilir və nəhayət oksid sözü yazılır. Metal sabit valentlidirsə onun oksidləşmə dərəcəsi göstərilmir. Məsələn:

    CaO - kalsium oksid;    Al₂O₃ - alüminium oksid; Fe₂O₃ - dəmir (III) oksid

    Qeyri metalların oksidlərini həm bu qayda ilə, həm də Beynəlxalq nomenklaturaya əsasən adlandırılır. Belə ki, əvvəlcə formuldakı birinci elementin indeksi latın dilində yazılır, elementin adı yazılır, sonra defis qoyulub oksigenin indeksi latın dilində yazılır və nəhayət oksid sözü yazılır. Məsələn:

    N₂O₅ - diazot-pentaoksid, CO - karbon-monooksid.

    Oksidlərin həmçinin təsadüfi adlarından da istifadə edilir. Məsələn, CO₂ - karbon qazı, CO - dəm qazı, SO₂ - kükürd qazı, SiO₂ - qum (kvars), N₂O - şənləndirici qaz.

    Oksidlərin quruluş formulları aşağıdakı kimidir:

    K - O - K, C = O, O = Al - O - Al = O