1997-ci ildə Bakı Özəl Türk Liseyinin Mingəçevir filialında oxumaq hüququ qazanmış, lakin müəyyən səbəblərdən həmin liseydə təhsilə başlamamışdır.

1998-ci ildə ailəsi ilə birlikdə Gəncə şəhərinə köçmüş və təhsilinə Gəncə şəhər Mirzə Ələkbər Sabir adına 5 saylı orta məktəbdə davam etmişdir. 2002-ci ildə həmin bitirərək Gəncə Dövlət Universitetinin Kimya ixtisasına dövlət sifarişi əsasında qəbul olmuşdur. 2006-cı ildə məzun olmuş, 2006-2007-ci illərdə həqiqə hərbi xidmət keçmişdir.

Əmək fəaliyyətinə 2007-ci ildə "Azərenerji" ASC "Gəncə YGEŞ" MMC-də elektrik montyoru başlamış, iki ay sonra kompüter operatoru işinə keçirilmişdir.

2009-cu ildə Ali təhsil müəssisələrinin magistraturalarına qəbul imtahanında iştirak etmiş və magistratura təhsili almaq hüququ qazanmışdır. 2009-2011-ci illərdə Gəncə Dövlət Universitetində Yüksək Molekullu Birləşmələr Kimyası ixtisası üzrə magistr təhsili almış və təhsilini fərqlənmə diplomu ilə başa vurmuşdur.

2010-cu ildə Mühəndis-proqramçı vəzifəsinə keçirilsə də təhsil ilə əlaqədar olaraq Oktyabr ayında işdən azad edilmişdir. Həmin dövrdən etibarən pedaqoji fəaliyyətə başlayaraq bakalavrların magistratura pilləsinə hazırlaşmalarına köməklik göstərmişdir.

2011-ci ildə magistraturaya hazırlıq məqsədilə veb-sayt hazırlayaraq repetitor kimi fəaliyyətini bir qədər də genişləndirmişdir.

2017-ci ildə yenidən magistraturaya qəbul imtahanında iştirak edərək Azərbaycan Dövlət Aqrar Universitetində Menecment ixtisası üzrə magistr təhsili almaq imkanı qazanmışdır. 2019-cu ildə həmin təhsil müəssisəsini müvəffəqiyyətlə bitirmişdir.

2018-ci ildə "Access to Success" Hazırlıq Mərkəzi adlı bir kurs açmış və ilk kitabımı nəşr etdirmişdir. 2021-ci ildə növbəti kitabını nəşr etdirdikdən sonra növbəti illərdə dərsliklər nəşr etdirmək davamlı bir prosesə çevrilmişdir.

2023-cü ildə tələbələrin hazırlıq prosesini rahatlaşdırmaq və intensivliyi təmin etmək məqsədilə Sparkapp adlı tətbiq hazırlamışdır.